Markaðsbréf henta þeim sem vilja dreift og blandað eignasafn skuldabréfa. Sjóðurinn fjárfestir í verðtryggðum og óverðtryggðum markaðsskuldabréfum, s.s. skuldabréfum ríkis, sveitarfélaga, fjármálafyrirtækja og annarra fyrirtækja.
Nánar um Markaðsbréf
Veltubréf henta þeim sem vilja fjárfesta að mestu í innlánum en einnig í mjög stuttum verðbréfum. Sjóðurinn fær betri kjör á innlánum í krafti stærðar sinnar en bjóðast almenningi.
Nánar um Veltubréf
Sjóðurinn hentar þeim sem vilja dreift og blandað eignasafn með grunn í ríkisskuldabréfum og ríkisskuldabréfasjóðum. Fjárfest er í innlendum sem og erlendum hlutabréfum, skuldabréfum og sjóðum, ásamt innlánum.
Nánar um Eignadreifingu langtíma
Sjóðurinn er góður kostur fyrir þá sem vilja ávaxta fé sitt í úrvali íslenskra hlutabréfa og njóta áhættudreifingar um leið. Kaup í Úrvalsbréfum er langtímafjárfesting þar sem búast má við umtalsverðum sveiflum í ávöxtun sjóðsins til skemmri tíma.
Nánar um Úrvalsbréf
Sparnaður getur tekið á sig ýmsar myndir. Hvort sem markmiðið er að eiga varasjóð eða einfaldlega að safna fyrir útborgun í næstu bifreið heimilisins, er skynsamlegt að leggja fyrir.
Lykillinn að góðum árangri í fjárfestingum er að gera sér skýra grein fyrir markmiðum sínum, velja hentugar ávöxtunarleiðir og hafa greiðan aðgang að faglegri ráðgjöf.
Fjárfesting í fjármála-gerningum felur ætíð í sér áhættu. Fjárfesting í hlutdeildarskírteinum verðbréfa- eða fjárfestingar-sjóða er að jafnaði öruggari en þegar keyptir eru einstakir fjármálagerningar því hver
sjóður dreifir áhættu með kaupum í fleiri flokkum fjármálagerninga. Með því að kaupa í sjóði nýtur þú skattalegs hagræðis þar sem ekki er greiddur fjármagns-tekjuskattur nema við innlausn, ólíkt innlánsreikningum.
